СДСМ пред да зборува за економските политики и за тоа како се живее во државата, нека го праша Филипче како живее, бидејќи тоа што го зборува СДСМ, а Филипче го прави, не соодветствува едно со друго, реагираат од ВМРО-ДПМНЕ.
„Нека каже Филипче како со лекарска и пратеничка плата, се стига до јахти, облакодери и акции во авиокомпании, па да ја раководиме економијата на државата во тој правец. Секако, ако е легално и законски начинот на кој ги заработил парите. Кога се зборува за економија и животен стандард, СДСM треба да се скрие и да молчи. Од земја на раб на банкрот, зголемени сметки, плати кои стагнираат и не се исплаќаат во време на СДСM, за една година го сменивме начинот на живеење. Сега, граѓаните имаат повисоки плати, пензии, нови работни места, земјоделците добиваат субвенции“, се вели во реакцијата.
