Два активни пожари, еден под контрола

Сѐ уште гори Националниот парк Јасен, а голема битка со огнената стихија се води и кај тетовско Јажинце. Според последните информации, во моментов во Македонија има активни два пожари и еден под контрола. И покрај сите напори на екипите на Дирекцијата за заштита и спасување, помогнати од Армијата и хеликоптери, веќе неколку дена не можат да го стават под контрола огнот на отворен простор во резерватот Јасен. Хеликоптери дејствуваат и на пожарот меѓу селата Рогачево и Јажинце. На терен тешка е битката со огнот.