МНР: Чекаме резултати од обдукција за да потврдиме дали наш граѓанин е меѓу тројцата убиени во Боливија

Министерството за надворешни работи информира дека амбасадата на Република Македонија во Бразил е во контакт со амбасадата на Боливија во Бразилија, во врска со случајот на тројното убиство што се случи во земјата, а каде, според српските медиуми, меѓу жртвите има и македонски државјанин. Во моментот се чека завршување на обдукцијата за официјална потврда на идентитетот на жртвите. Од министерството велат дека ќе ја информираат јавноста веднаш штом добијат официјални информации за идентитетот и околностите на настанот. Светските медиуми пишуваат за монструозното убиство на струмичанецот Дејанчо кој беше пронајден мртов спакуван во црни кеси заедно со уште двајца Срби во Боливија. Убиствата им се припишуваат на припадници на нарко картелот во Јужна Америка. Според неофицијални информации, ликвидациите се резултат на вооружен конфликт меѓу конкурентни криминални групи за контрола врз дистрибутивните канали на наркотici на територијата на Јужна Америка.