Правни експерти на средба во Правда, се утврдуваат правилата за учество на независните кандидати на локалните избори

До петок треба да се реши дилемата за правилата за учество на независните кандидати на претстојните локални избори. Правни експерти деновиве се повикуваат на консултации во Министерството за правда, за да помогнат во техничкото решение за учество на независните иницијативи на изборите. Државната изборна комисија на седница ќе треба да го разгледа новото упатство, иако според изјавата на Борис Кондарко, останува ставот дека не се потребни потписи за настап како група од најмалку двајца избирачи, кои можат да бидат ставени на избирачкото ливче. Аналитичарите оценуваат дека поради ова може да се зголеми бројот на кандидати на избирачкото ливче, а и да се злоупотреби од лица кои не сакаат навистина да се натпреваруваат на изборите. Независните кандидати, пак, не веруваат на изјавите од надлежните за изборите, па решија да продолжат со собирање потписи за формирање политичка платформа за учество на локалните.