Разрешената директорка на гимназијата во Демир Хисар, Маја Лозановска, се појави на информативен разговор во демирхисарската полициска станица.
Но, со неа не е извршен разговорот, така што утре ќе треба повторно да оди во станица.
Инаку, Лозановска беше разрешена на 4 август по одлука на градоначалникот, и по налог на просветниот инспекторат, поради утврдени неправилности во работењето.
Од МВР соопштија дека против Лозановска имало пријава и постоеле основи за сомневање за кривично дело „одземање печат и службени документи“.
На 8 август, полицијата изврши претрес во нејзиниот дом во потрага по печатот на училиштето, во период кога таа била на боледување.
Поради изјавата на полицискиот началник дека и на носилки ќе ја донесе на разговор, иако имало налог само за претрес, МВР покрена дисциплинска постапка против него.
