🎥 Попов: Меѓународниот ден на младите – ден кој оваа година го одбележуваме исполнети со надеж и мотивација за работа кон подобра иднина

Дозволете ми да ви го честитам Меѓународниот ден на младите – ден кој оваа година го одбележуваме исполнети со надеж и мотивација за работа кон подобра иднина, се наведува во соопштението на ВМРО-ДПМНЕ од прес-конференцијата на Сергеј Попов, пратеник и претседател на УМС на ВМРО-ДПМНЕ.

Во изминатата година покажавме дека младите можат и знаат да бидат клучни во креирањето политики, носители на нови идеи и предводници на развојот. Како нова генерација во политиката, решивме да преземеме одговорност и самите да направиме институциите да работат во корист на секој еден млад човек.

Преку активен ангажман во Собранието, Владата, Министерствата и Општините, го ставивме младинското прашање во центарот и реализиравме конкретни мерки: поддршка за младинското претприемништво, грантови за бизниси, помош за млади брачни парови и семејства, зголемени стипендии, ваучери за електронски уреди, нови работни места, инвестиции во спорт и здрав живот и многу други работи. Ова е само почеток, а владата на ВМРО-ДПМНЕ ќе испорачува непречено и во континуитет, за она кое нам ни е најважно – иднината на младите, на Македонија и македонскиот народ.

Почитувани,

Како најголема политичка младина во Македонија, секогаш ќе служиме како обединувачка сила, мост за надминување на несогласувањата помеѓу младите, како платформа за реализација на сите ваши идеи и визии за подобро македонско општество.

Ќе продолжиме да ја слушаме секоја ваша мисла, да ја претвориме во акција и да работиме за тоа младите да имаат еднаква шанса за успех.

Нашата цел е јасна – да изградиме држава во која младите остануваат, а не заминуваат, во која талентот, идеите и трудот се наградуваат, а секој млад човек ќе ја гледа иднината овде во Република Македонија.