Прес-конференција на пратеникот од ВМРО-ДПМНЕ, Бране Петрушевски:
„Главниот обвинител Коцевски не може да затвори ниту еден случај на висока корупција затоа што му должи на СДСM кариера.
Главниот обвинител Коцевски не е самостоен во одлуките, тој секогаш ја има тежината од СДСM врз себе, затоа што тие го спасуваа во Собрание.
Ниту еден поранешен функционер, кој беше фатен во криминал, а ги има многу, не одговара, и нема правна разрешница, затоа што на главниот обвинител Коцевски СДСM му стои на глава.
Срамота е како главниот обвинител Коцевски смирено ја прими пораката од СДСM во Собрание, ,,со штитот или на него” и не се обиде ниту да ја осуди или да се огради.
Фрапантно е како може главниот обвинител да игра по нотите на политичка партија.
Народот има под 2% доверба во обвинителството, а со игнорантскиот однос на Коцевски таа доверба ќе се израмни со 0.
Јасно е дека Коцевски ќе седи до крај, и покрај пораките од народот да си оди, тој ќе седи и ќе ги користи своите позиции за СДСM.
Едно треба да знаат и СДСM и главниот обвинител Коцевски, народот точно знае што прават и многу јасно ја виде нивната игра. Одговорност ќе има на избори, а и потоа.“
