Вчера се запали автобус на ЈСП во центарот на Скопје. Пред 20 часот, во полиција било пријавено дека на Транспортен центар – под Железничката станица – избувнал пожар во автобус сопственост на ЈСП. За среќа, во моментот немало патници. Пожарот предизвикал материјална штета, а екипи на Противпожарната бригада успеале брзо да го локализираат огнот. Причините за запалувањето засега не се познати и ќе бидат утврдени со истрага.
Во последните 12 месеци најмалку шест автобуси на ЈСП се запалиле, а поради дефект, еден заврши директно во жардињера. Последниот инцидент пред овој беше пред неполн месец, кај фабриката „Цементарница“ во Кисела Вода, кога автобус со број 13 се запалил во делот на моторот. Тогаш беше повредена жената-возач, која сама се обидувала да го изгаси пожарот.
