Срамно и дрско е СДСM да зборува за темелите на македонската државност откако променија знаме, име и Устав на државата, стои во соопштението на ВМРО-ДПМНЕ.
СДСM која тоне се подолу во рејтингот меѓу граѓаните, заборава дека име на училиште го дава општинскиот совет, а не Владата.
За да ги потсетиме, токму тие во време Зоран Заев како премиер и градоначалник на СДСM во Скопје, во Драчево улица е преименувана во Азем Морана, откако претходно се викала Јустинијан Први.
СДСM говори за македонска државност, а во нивно време се променија и името, и знамето и Уставот на Македонија. Ги распродаваа државните интереси на кој стигнат за ден повеќе власт. Затоа граѓаните не им дадоа доверба и тонат секојдневно се повеќе.
Подлоста на СДСM оди во невидени размери, а ние како ВМРО-ДПМНЕ сме вчудоневидени на нивното однесување.
