Главниот обвинител Коцевски да си даде оставка, секој поминат ден на позиција му измеќарува на СДСМ, рече на денешната прес-конференција пратеникот Бране Петрушевски.
Одамна главниот обвинител Коцевски нема кредибилитет во очите на народот, а сега кога СДСМ јавно застана да го брани во Собрание, му го уништи и тој кредибилитет што некогаш го имал. СДСМ го разголи главниот обвинител Коцевски. Совршено е јасно чии насоки до сега извршувал, и зошто постапките против функционери на СДСМ се таму каде што се. Главниот обвинител Коцевски очигледно е целосно препуштен во прегратките на СДСМ, и таквиот однос, не само што не му пречеше, туку и го зема како последна сламка за спас. Да имаше главниот обвинител Коцевски грам морал, тој немаше да чека СДСМ да го брани и ќе си поднесеше сам оставка. Игнорирањето на мизерните 2% доверба од народот и интерпелацијата во Собрание, е јасен показател дека главниот обвинител Коцевски има друг приоритети, а тоа е да служи како гума за спасување на дел од функционерите од СДСМ блиски до Филипче и Заев од кривична одговорност за криминалите кои ги правеле, истакна Петрушевски.
Доблест не може да се очекува од Коцевски, само чисто калкулантство и политичко профитерство, додаде Петрушевски.
