Повеќе од 500 млади луѓе и околу 120 спортски и луксузни автомобили направиле вистински хаос на паркинг во Струга ноќеска.
Полицијата веднаш интервенирала и одзела пет возила. Како што информира МВР, инцидентот се случил по полноќ кога на терен била повикана полицијата и затекнала масовно собирање на луѓе со над сто спортски и луксузни автомобили кои, според пријавата, изведувале неконтролирана „изложба“ со букава и нарушување на јавниот ред.
„Лицата не постапиле по дадените наредби од страна на полициските службеници, по што биле ангажирани дополнителни полициски сили и состојбата е ставена под контрола“, информираат од МВР.
Додаваат дека по целосно документирање на случајот ќе бидат поднесени соодветни поднесоци.
