Изјава на пратеникот на ВМРО-ДПМНЕ, Миле Лефков:
„Самиот Зоран Заев призна дека потпалувачот на пожари бил шофер кај него во општината, СДСM да се извини и огради од Заев.
Зоран Заев во изјава за еден пишан медиум кажа: ,,Александар Николов во тоа време, колку што се сеќавам, работеше на портирницата во општината и беше возач на општинско возило”.
Лицето А.Н. кое било шофер кај Заев е потпалувач на пожар, кое е уапсено од полицијата. Кој може да верува дека шоферот на Заев потпалувал пожар на своја рака, без нечија насока?
Дел од пожарите се потпалуваат од лица блиски до опозицијата, а затоа има и уапсени.
И додека овие пиромани како шоферот на Заев ги палат пожарите, СДСM и нивните апологети креваат паника и шират лаги во јавноста.
СДСM се притиснати до ѕид. Наместо да држат прес-конференции и сеат магла, да се извинат за шоферот на Заев и оградат од него.“
