Скопската компанија „Алкалоид“ во првото полугодие од 2025 година оствари единечна нето-добивка од 15,3 милиони евра, што е зголемување од 7% споредено со истиот период лани. Консолидираната добивка достигна 13,9 милиони евра, или 4% повеќе од минатата година.
Приходите достигнаа 116,9 милиони евра, од кои 94% се од продажба на производи и услуги. Консолидираните приходи изнесуваат 170,1 милион евра, што е раст од 9%. Од нив, 66% се остварени на странските пазари. Најголем извозен раст е забележан во Холандија (6,6 пати), Австрија (5,3 пати), Шведска (4 пати), Јужна Африка (3 пати) и Финска (2,8 пати).
Компанијата инвестирала 10 милиони евра во основни средства во првата половина од годината. Според бизнис-планот за 2025 година, „Алкалоид“ планира инвестиции од 8% од консолидираните приходи и раст од 8% на продажбите, како и зголемување од 7% на профитот пред оданочување.
