Градоначалникот на Кичево, Фатмир Дехари, заработи кривична пријава за несовесно работење во службата и загадување на животната средина со отпад. Тој дозволил да биде формирана дива депонија и давал задолженија на истата да се складира отпад, со што ја загрозил животната средина.
„Тој, постапувајќи несовесно при извршување на своите законски обврски и невршење должен надзор, од 2020 година, работел спротивно на одредбите од Законот за управување со отпад и Законот за заштита на животната средина. Дозволил да биде формирана дива депонија на повеќе илјади квадратни метри во населена зона во Кичево, за која давал задолженија на вработени секојдневно да складираат, оставаат или расфрлаат отпадни материи, односно со нив да постапуваат на начин со кој се менува квалитетот на воздухот, почвата, водата или водотекот, во мера што може да ги влоши условите за живот на луѓето или животните и растенијата, со што го загрозил нивниот опстанок“, информираа од полицијата.
