Изолирана појава на нестабилност со пороен дожд, грмежи, засилен ветер и услови за краткотрајно невреме ќе има денеска попладне, во текот на ноќта и утре претпладне, соопшти Управата за хидрометеоролошки работи.
Според прогнозата на УХМР, до четврток и особено тој ден ќе преовладува променливо облачно и посвежо време со локална појава на пороен дожд, грмежи и услови за краткотрајно невреме.
Повремен пороен дожд и услови за појава на грмежи ќе има и во Скопје во текот на ноќта и утре претпладне.
-Нестабилно со пороен дожд и грмежи ќе биде и во четврток, а во делови од котлината ќе има услови за краткотрајно невреме, соопшти Управата за хидрометеоролошки работи.
УХМР укажува на поголема внимателност при грмотевици и да не се престојува на отворен простор и под осамени дрвја.
