Скопското Кале – еден од највпечатливите симболи на главниот град, со години е оставено на забот на времето. Градоначалникот на Кисела Вода и претседател на ЗЕЛС, Орце Ѓорѓиески, вели дека токму запуштеноста на Калето зборува за односот кон историјата и културното наследство.
Град Скопје со години покажува неодговорен однос кон објектите со историска и културна вредност, а заштитата на ваквите објекти не треба да се сведува на објави на социјални мрежи или дебати, туку на реални и континуирани активности на терен, смета Ѓорѓиески, кој најави посебен третман за Калето и другите историски објекти во Скопје – веднаш по локалните избори.
