🎥 Во Собранието почна пленарната седница за ребалансот на буџетот

За власта реален, развоен и стабилен за опозицијата без развојна компонента – Пратениците ја почнаа финалната расправа за прекроената државна каса. Со ребалансот се обезбедуваат повеќе пари за плати и пензии, за вложувања во капитални проекти, а документот е потврда за домаќинското работење на владата.

Проекциите за раст остануваат на 3.7 отсто и тие се темелат на досегашните остварувања особено од првиот квартал кога економијата порасна за 3.2 отсо.

Планот на владата е тоа да го оствари преку инвестицискиот циклус со поддршка на домашните компании и поддршка на економијата преку реализација на општинските проекти

Опозицијата критикува дека ребалансот бил скроен според мерка на власта и истиот се темелел на нереални проекции. Според СДСМ ребалансот немало да ги даде очекуваните резултати. Од власта возвраќаат дека со тоа што се одвојуваат повеќе средства за плати и пензии се вложува во човечки капитал а со капиталните инвестиции во темелите на економскиот раст

Со ребалансот вкупните приходи се проектирани на ниво од приближно 5.8 милиони евра, а вкупните расходи се предвидени на ниво од околу 6.5 милиони евра, што претставува зголемување од приближно 1% во однос на иницијалните проекции. Буџетскиот дефицит останува непроменет – изнесува приближно 672 милиони евра, односно 4% од БДП. Инфлацијата е проектирана на 2.8 %.