🎥 Ковачки: Испраќаме порака дека мора да има континуитет на промените кои ги започнавме во 2021 година

Добра вечер од преубавиот Штип, вечерва сме тука на отворање на месен изборен штаб, за поддршка на нашиот актуелен и иден градоначалник на Штип, Иван Јорданов, истакна Драган Ковачки, пратеник и член на ИК на ВМРО-ДПМНЕ.

Тој додаде: Вечерва сме тука со една заедничка цел, да испратиме една порака на заедништво, на сплотеност, на стабилност, на посветеност, на успех. Вечерва сме тука да испратиме порака дека мора да имаме континуитет на промените коишто ги започнавме во 2021 година, заедно со нашиот градоначалник Иван Јорданов.

Поддржан од Владата на Македонија предводена од премиерот Христијан Мицкоски очекувам дека во наредниот период, Иван Јорданов и неговиот Совет во општина Штип, дополнително ќе се вложат во развојот на Штип, затоа што штипјани тоа го заслужуваат, затоа што тоа го заслужуваат и граѓаните на штипската околина, потенцираше во изјавата Ковачки.