Промена на власт и министри и административни лавиринти ги кочат вработувањата на околу 1.100 луѓе ангажирани со договор на дело во здравството. И по повеќе од 10 години работа на неопределено, медицински сестри болничари и техничари се уште се борат со административни процедури за конечно да добијат трајно вработување. Министерот за здравство Алиу е оптимист дека постапката за вработувања на здравствените работници за брзо ќе се реши.
“Да во неколку здравствени институции едни од нив се 8-ми септември и болницата во Тетово, точно е, таму имаме жалби и мора тие да ги поминат сите административни процедури за да може да се потпишат договорите со веќе пријавените.А дали сум оптимист дека во мојот мандат ќе завршат овие работи….
И додека здравствените власти го забрзуваат процесот на нови вработувања во болниците и клиниките, во струшката болница, четириесет и две годишен лекар, четири години земал плата и додатоци на плата, иако немал валидна лекарска лиценца открива МВР. Против лекарот има и кривична пријава… министерот Алиу се сомнева дека ова не е единствен таков случај, и според него тоа е пропуст на системот во Македонија кој што не дава точни резултати и не дозволува да се увиди точната и прецизна бројка на лекари.
Според МВР, повеќе од 5 години, почнувајќи од 2019 година, лекарот не се појавувал на работа, не ги известил надлежните дека му прекинат специјалистичкиот стаж, а од 2020 година работел и без лиценца од Лекарската комора,а со неговото дејствие буџетот на болницата бил оштетен за повеќе од 30 илјади евра.
