Деценискиот проблем со гужвите на границите се решава. Од денеска во функција системот One stop shop на граничниот премин Табановце – Прешево. Официјалниот протокол беше потпишан од министрите за внатрешни работи на Македонија и Србија Панче Тошковски и Ивица Дачиќ. Со ова се овозможува побрз транспорт на луѓе, повеќе трговија, туризам и пријателство меѓу двете држави.
На денешниот состанок беше потпишан и протоколот за размена на полициски службеници помеѓу двете држави за време на летната и зимската туристичка сезона кој го регулира меѓусебното испраќање на полициски службеници за помош на туристичките места и настани во зависност од потребите, што веќе функционира во годините наназад. Двајцата министри потврдија дека државите имаат одлична соработка
Ваков систем има на двата гранични премини со Блаце, а за намалување на гужвите се предвидува и модернизација на граничниот премин Богородица.
