Бројот на заболени од карцином во државата е во пораст. Само минатата година се регистрирани над 5.100 нови случаи. Загрижувачки е фактот дека се почесто се дијагностицира и кај младите луѓе, вели д-р Марија Караколева, единствениот онколог во штипската Клиничка болница. Податоците говорат дека годишно на ова одделение се прават 4.000онколошки прегледи и тоа се пациенти од целиот источен регион.
- „Инциденцата и на млади пациенти, за жал се зголемува, односно се намалува возрасната граница во однос на сите типови на карциноми, не одделни. Меѓутоа, инциденцата да, се зголемува, но и преваленцата. Всушност тоа е бројот на сите заболени. Тоа е така, но во позитивна смисла имаме и напредок во лекувањето и на тој начин имаме и продолжување на животот на овие пациенти„ изјави д-р Марија Караколевска Илиова, онколог во штипската Клиничка болница.
Најчести форми на карцином, се на дојка, бели дробови, простата, а во изминатиот период се почест е и меланомот, карциномот на кожата, што според експертите најверојатно се должи на недоволната заштита од сончевото зрачење. Специјалистите алармираат за зголемување на свеста кај граѓаните, во врска со скрининг програмите и превентивните прегледи, бидејќи само така болеста ќе се фати во ран стадиум и излекувањето ќе биде успешно.
- „Тука треба да работи примарната здравствена заштита, да се подигне свеста и значењето на скрининг програмите, бидејќи тоа се пограми за да се дијагностицира карциномот, да се фати во најраниот стадиум, кога излекувањето е 90%. Значи во тие 100.000 пациенти, опфатени во скрининг програмата и еден пациент да се фати во ран стадиум е 100% за тој еден пациент„ изјави д-р Караколевска.
Според експертите, зголемениот број на пациенти со карцином во државата се должи на загадената животна средина, нездравиот начин на живот , како и недостатокотна лекари и скрининг програми посебно за населението во руралните средини.
