Во штипската Клиничка болница, отворен Центар за рехабелитација, каде дел од повредените во дискотеката „Пулс„ со хидротерапија, електро процедури и кинези терапија ќе може полесно да закрепнуваат. На Одделот за физикална терапија, при штипската Клиничка болница, подготвени се педесетина болнички кревети каде што ќе се хоспитализираат потешко повредените.
„Пациентите почнавме да ги примаме од пред ден-два. Сите капацитети во Клиничка болница, Штип, тоа се педесет легла, стационарни и капацитетите на Физикална терапија се ставени во функција….Потешките случаеви ќе се лекуваат стационарно кај нас и дел во болницата во Кочани„ изјави д-р Никола Костадинов, раководител на Физикална терапија, Штип
Во физикалните третмани, ќе бидат вклучени лекари специјалисти и обучен физиотерапевтски кадар. Доколку има потреба ќе се ангажираат и лекари од другите болници во државата. Дополнително, со пaциентите со изгореници ќе се работат и вежби за дишење кои ќе бидат од голема важност за нивно брзо заздравување и закрепнуваање.
„Пациентите се со тешки изгореници, контрактури. Но, имаме голем дел на пациенти со фрактури и ампутации. Таму ќе имаме рехабелитација на скршеници, но и вежби за дишење кои се дел од рехабелитацијата на пациентите со изгореници„ изјави д-р Никола Костадиновски, раководител на Физикална терапија, Штип
Физикалната терапија располага и со базен со термална вода од изворот на Кежовица, која се смета за една од најлековитите води во Европа. Истиот се користи за вежби и лекување на пациентите главно со фрактури. Доктор Костадиновски, упати апел пациентите со изгореници да не користат мелеми и креми од надри лекари, туку да бараат соодветна лекарска помош.
