Со паркингот на Клинички центар дефинитивно нема да стопанисува фирмата „Ѓока констракшн„. Тендерот на кои е избрана оваа фирма е поништен од страна на Министерството за здравство открива министерот Таравари. Како алтернатива сега на маса се ставени две нови опции – првата е ЈП Градски паркинг да изгради две катни гаражи и да ги управува, а втората е тоа да го направи Службата за општи и заеднички работи при Клинички центар.Здравствените власти повикуваат и други заинтересирани да понудат решенија како да се реши хаосот со паркинг просторот а цената да не биде висока.
Директорот на “Градски паркинг” не одговори на нашите повици ниту на смс пораките – дали ќе ја прифати понудата на Министерството за здравство.
Таравари вели дека нема време за губење и час поскоро треба да се реши проблемот со паркингот, затоа што тоа е болна точка за секој кој има потреба на клиниките.
Инаку, „Ѓока Констракшн“ беше единствена компанија која се јавила на повикот за јавно-приватно партнерство за паркингот на Клинички. Но поради бурните реакции од јавноста, надлежните одлучија да се поништи тендерот и да се бара друго решение.
Неколку министри за здравство повеќе од 10 години ветуваа решавање на паркирањето во Клинички со изградба на катни гаражи. Но освен физибилити студии и најави, на терен состојбата од ден на ден е се полоша.
