Со поворка на живите, Штип им одаде почит на своите сограѓани Евреи, кои пред 82години беа депортирани во логорот на смртта во Треблинка, Полска и безмилосно убиени. И по толку години, од кобната ноќ помеѓу 10 и 11март се уште се силни спомените за 535 Евреи од Штип, порача преседателот на Еврејската заедница, Пепо Леви.
„Македонија и депортрираните Евреи кои се некаде 98% од еврејската популација во тоа време секоја година се потсеќа на жртвите од Холокаустот. Јас сум му благодарен на градоначалниците на Штип, Битола, Скопје, на Владата, на сограѓаните на Штип, што никој не ги заборави своите сограѓани“, порача Пепо Леви, претеседател на Еврејската заедница во Македонија.
Ученици и граѓани со транспаренти во рацете на кои пишуваше „Никогаш да не се заборави”, „Јас се сеќавам” упатија јасна порака дека овој ден треба да биде поука, за како во иднина да изградиме подобро општество кое ќе биде еднакво за сите.
„Го одбележуваме датумот којшто никогаш не треба да се заборави, но и да ни биде поука за во иднина да имаме повеќе толеранција, соживот и да градиме едно заедничко општество без разлика на етничка, верска или било која припадност за сите“, изјави градоначалникот на Штип, Иван Јорданов.
Комеморацијата започна со седница, а буќети свежо цвеќе беа положени пред Споменикот на депортираните Евреи. На 11март 1943 година ,7144 Евреи од Штип, Битола и Скопје, беа однесени во Треблинка.
