До кога СДСM ќе глуми дистанцирање од ДУИ? Никој не им верува додека не се извинат што му дозволиле на Груби да прави криминал. Попусти се обидите на Венко Филипче да глуми дистанцирање, кога тој е виновен што криминалот на ДУИ воопшто беше можен, изјави Миле Лефков, пратеник и член на ИК на ВМРО-ДПМНЕ.
„СДСM со години опстојуваше на власт токму заради тоа што му дозволија на Груби да краде. СДСM свесно дозволија Груби да прави што сака, само за да не паднат од власт. Обидите сега да се дистанцираат од ДУИ се бледи и неискрени.
Доколку СДСM навистина сакаат некој да им верува дека се дистанцираат од ДУИ најпрвин нека се извинат јавно што со години овозможија Артан Груби да прави криминал, знаеја за неговиот криминал и не реагираа, само за да останат на власт“, потенцира Лефков.
Се додека СДСM отворено не признаат што правеле со Груби, се дотогаш народот нема да им верува ниту збор, затоа што се што кажуваат лажат, со желба некогаш пак да го повторат истото. СДСM има избори, или целосно ќе се оттргне од ДУИ или ќе продолжи да тоне, додаде Лефков.
