Годинава завршува со рекордно ниво на инвестиции, а премиерот за наредната најавува ново мега вложување од над 350 милиони евра. Тој рече дека овој инвеститор треба да има голем извозен потенцијал кој позитивно ќе влијае врз обемот на брутодомашниот производ. Компанијата планира вработување на 500 луѓе. Засега не се откриваат детали од која држава е инвеститорот и во кој сектор работи. Владата преговара со вкупно 15 странски компании кои треба да изберат меѓу Македонија и некоја друга држава каде да го стационираат своето производство.
„Очекувам оваа инвестиција да ја заокружиме следната година, инвестиција која што ќе биде навистина би рекол огромна за нас и ќе значи многу за македонската економија. тоа е мој фокус и мораме да продолжиме да се фокусираме на тоа да создаваме производи со голема додадена вредност затоа што само на тој начин ќе ни расте економијата“ – изјави Мицкоски.
Реализацијата на капиталните инвестиции на една недела пред истекот на годината изнесувала 69.5% или 422 милиони евра. Премиерот очекува до крајот на декември таа да надмине 70% од планираното. Задоволен е од направеното, со оглед дека ваков резултат е постигнат во изборна година. Вели дека неговата Влада направила се што можела да ја забрза изградбата на патишта, пруги, болници, училишта, градинки. За следната година очекува многу подобри перформанси, особено затоа што е предвидено рекордно ниво на капитални инвестиции над 800 милиони евра и голема подршка на економијата.
„Оваа реализација е коректна. Новата влада направи се што можеше да го згол ниво. Следна рекорден буџет за капи општини и влада. Поддршка кон економијата директна 2,5 млрд ден. 2,5 млрд ден, кредит 1,95% за фирмите“ – вели Мицкоски.
Особено е голема поддршката во земјоделскиот сектор – вели Мицкоски. За 6 месеци им биле исплатени 70 милиони евра на земјоделците. Од овие пари, дури 40 милиони евра се долгови на претходната влада, пари кои им ги должеле на земјоделците од 2020-та година досега.
