Производството на автомобили може да биде за 20 проценти пониско оваа година. Како резултат на пандемијата, ќе се направат само 71 милион патнички возила во светот, но позагрижувачки е фактот дека околу пет милиони работници во производството и продажбата ќе останат без работа.
Кризата исто така се совпадна со технолошката револуција и преминувањето на електрични возила за кои се потребни многу помалку работници.
Работниците кои со години произведувале мотори и менувачи во фабриките за автомобили, ќе добијат отпремнини или ќе бидат отпуштени како технолошки вишок. Аналитичарите велат дека нив ќе ги заменат значително помалку работници во различен профил за производство на електрични возила.
Повеќето работни места ќе бидат скратени во Европа, особено во Германија. Помалку работници значи помалку менаџери, бидејќи трошоците мора да бидат сведени на минимум.
– Започнуваме нова ера во автомобилизмот и ќе има отпуштања. Обезбедивме изобилство плати за отпремнини, за што и синдикатите и работниците ќе бидат задоволни бидејќи ќе можат да започнат свој сопствен бизнис – рече Олега Калеус од „Дајмлер“.
Повеќето производители на автомобили ги прекинаа производните ленти најмалку еден месец, со што до крајот на годината би донело до 19 милиони помалку возила од планираното.
Поради коронавирусот, продажбата во април се очекува значително да се намали и во Северна Америка и во Европа, бидејќи закрепнувањето од пандемијата веројатно ќе оди бавно.
– Очекуваме да постигнеме одреден баланс едвај на крајот на годината. Доколку падот на продажбата на нафтени производи е 50 проценти, тоа е добар показател дека пазарот ќе се намали за 40 на 50 проценти во 2020 година и ова е голем удар што може да се одржи само со рационализација – додава Калеус.
Кина започна со производство на автомобили, поради што се очекува нивната продажба да биде помала од светскиот просек и да биде околу 12 проценти.
Некои експерти за автомобилска индустрија веруваат дека сите големи региони влегле во економска рецесија и дека брзото закрепнување не е повеќе реално.
