Реклама

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Енергетска криза во Европа – експертските поддржуваат активирање на сите домашни капацитети за стабилни цени во Македонија

Семакедонска средба во Штип – борбата за идентитетот и правата продолжува

Изградбата на автопатот Кичево-Охрид оди според планот, се најавува негово пуштање во мај следната година

Реформите во заврша фаза- Македонија во очекување на нови милиони евра од ЕУ преку Планот за раст

Се проширува достапноста на услугите на Алта банка – од понеделник се отвора експозитура во Прилеп

Костадиновски: Во 2023 година ѝ беше нанесен тежок удар на правната држава, се надевам грешките ќе бидат исправени

Прилози

ДЗР: „Мој термин“ 738 дена без договор за одржување, Клековски најави план за надминување на проблемите

738 дена во период од 5 години системот „Мој термин“ функционирал без…

Сподели:
Фото: Алфа Вести

738 дена во период од 5 години системот „Мој термин“ функционирал без важечки договор за одржување. Ова го покажува конечниот извештај на Државниот завод за ревизија, кој нотира сериозни слабости во функционирањето, безбедноста и управувањето со националниот електронски здравствен систем. За одржување на сите јавни здравствени установи се потрошени 333,3 милиони денари, односно 5,42 милиони евра, при што само 9 отсто од средствата се однесуваат на националниот здравствен информатички систем, а 91 процент на други системи во јавното здравство.

„Во периодот од 1 јануари 2021 до 30 април 2026 година, системот „Мој термин“ не бил покриен со договори за одржување вкупно 738 дена, односно 37,9 отсто од времето, поради тоа што договорите се склучувале на годишно ниво“, велат од ДЗР.

Министерот Клековски вели дека е запознаен со извештајот и не ги оправдува овие пропусти. Додава дека веќе е побарано да се направи акциски план за надминување на сите овие проблеми.

Реклама

„Не знам како се случило. Јас веќе побарав од јавните служби да подготват јавен повик за две години, бидејќи сметам дека едногодишните договори не го обезбедуваат континуитетот што ни е неопходен да ги направиме промените. Знаете дека го промовиравме нацрт-стратегијата за дигитализација во здравството и планираме масивни интервенции во делот на дигитализацијата“, изјави Сашо Клековски – Министер за здравство.

Во извештајот од ДЗР е наведено дека поимот „Мој термин“ не е регистриран и правно заштитен од надлежните институции, туку од економски оператор со кој Министерството за здравство склучува договори за одржување на системот.

„Министерството не е носител на авторските права над поимот „Мој термин“, туку тие права ги контролира приватен економски оператор и постои ризик од спорови за интелектуална сопственост на „Мој термин““, велат од ДЗР.

Проверките на ревизорите утврдиле и дека има изоставување податоци од болниците. Во ГОБ „8 Септември“, како една од најоптоварените болници во Скопје, воопшто нема евидентирано хируршки интервенции во „Мој термин“. За првите четири месеци од 2026 година, во оваа болница биле испратени СМС-известувања за само 10,1 отсто од реализираните упати. Ревизорите упатиле низа препораки до Министерството за здравство и Управата за електронско здравство за итно воспоставување законска рамка, заштита на личните податоци, континуирано одржување и зајакнување на ИТ-безбедноста.