Бројот на одобренијата за градење во септември 2026 година е намален за 19,4 % во однос на истиот период од претходната година. Речиси две третини од издадените одобренија се за високоградба, а приближно една четвртина за реконструкција. За изградба се предвидени 919 стана, од кои најголемиот дел во Скопскиот и Полошкиот Регион. По бројот на соби, повеќето, односно 45 проценти, се двособни, покажуваат податоците на Државниот завод за статистика.
Најголемиот дел од вкупно 253 одобренија за градење е во Скопскиот Регион (73), потоа следуваат Полошкиот Регион (67), Југозападниот Регион (25), Источниот Регион (23), Пелагонискиот Регион (20), Југоисточниот Регион (19), Вардарскиот Регион (18) и најмалку во Североисточниот Регион (8).
Според издадените одобренија за градење, предвидената вредност на објектите изнесува 4.527.792 илјади денари, што е за 36,4 % помалку во однос на истиот месец од претходната година.
Од вкупниот број издадени одобренија за градење, 166 (65,6 %) се наменети за објекти од високоградба, 26 (10,3 %) за објекти од нискоградба и 61 (24,1 %) за објекти за реконструкција.
Од вкупно 253 објекти, на 163 (64,4 %) како инвеститори се јавуваат физички лица, а на 90 (35,6 %) објекти инвеститори се деловни субјекти.
Во извештајниот период е предвидена изградба на 919 стана со вкупна корисна површина од 67.878 м2. Од нив, 7,8 % се еднособни, 45 % двособни, 30 % трособни, 9,6 % се четирисобни, 4 % се петособни, 2,2 % се шестособни, 0,76 % се седумсобни и 0,2 % се 8 и повеќе собни.
