Најстудено утрово е во Берово, каде се измерени 0 степени. УХМР соопшти дека на Попова Шапка е 1 степен, 3 во Маврови Анови, Струмица, Крушево и Крива Паланка, 4 степени во Лазарополе, 5 во Виница, Штип и Прилеп, 6 во Претор, Охрид, Тетово, Битола, Кавадарци и Куманово, 7 степени во Скопје – Зајчев Рид, Велес и Демир Капија и 9 степени во Гевгелија.
Во изминатите 24 часа, најмногу дожд навранал во Тетово и во Маврови Анови (7 литри на квадратен метар), 6 во Скопје – Зајчев Рид, 5 литри во Крива Паланк и Охрид, 4 на Попова Шапка и во Виница, Лазарополе, Велес и Претор, 3 литри во Штип и Куманово, 2 во Берово, Кавадарци и Крушево и 1 литар на квадратен метар во Прилеп и Демир Капија.
Според прогнозата на Управата за хидрометеоролошки работи, денеска ќе биде променливо облачно со повремени локални врнежи од дожд. Ќе дува слаб до умерен ветер од југоисточен правец, поизразен по должина на Повардарието. Максималната температура ќе биде во интервал од 9 до 13 степени.
Во Скопје, исто така, променливо облачно со повремени врнежи од дожд со слаб интензитет. Ќе дува слаб ветер од променлив правец. Максималната температура ќе достигне 12 степени.
