Општина Пробиштип и општинските установи (основните и средното училиште, детската градинка и јавните установи), како и ОО на Црвениот крст потпишаа меморандум за соработка со Здружението на социјални работници на Македонија, со цел воспоставување заеднички пристап и координирано делување во областа на социјалната работа, социјалната политика, зелената социјална работа, детската и социјалната заштита и други области од заеднички интерес.
– Целта е навремено препознавање на потребите и предизвиците со кои се соочуваат младите и децата преку меѓуинституционална соработка, размена на искуства и градење посилна мрежа на поддршка во локалната заедница. Во насока на дополнително зајакнување на институционалната соработка општина Пробиштип потпиша меморандум за соработка и со ЈУ Центар за социјална работа-Пробиштип со цел унапредување на меѓусебната координација, заедничкото дејствување во областа на социјалната заштита, превенцијата, поддршката, ресоцијализацијата и реинтеграцијата на децата во локалната заедница-соопштуваат од општина Пробиштип.
Во соопштението се додава дека остануваат посветени на одговорно и системско делување и грижа за своите граѓани, особено за оние на кои им е потребна дополнителна поддршка.
