Порастот на температурите, застоените води и појавата на гентетски модифицираните или хибридните комарци се причина за циркулација на вирусот на Западно-нилска треска и големите бројки на заразени како кај нас така и ширум Европа. Овие услови се идеални за размножување на комарците и нивна циркулација преку птиците велат епидемиолозите. Кај нас покрај топлото време локалните жаришта на застоена вода вкупно 34 се еден од најголемиот фактор на размножување на комарците.
– Температурата ќе ни биде еден дел од еколошкиот систем, второ водата. Природната средина во која се размножуваат комарците е водата. Секаде и во Грција и во Македонија па и во Италија има застоени води. Покрај природно застоените води покрај реките водотеците и така натаму. Во сите дворишта, во сите паркови секако се наоѓаат такви места во кои имаме идеални услови за да ни се размножуваат комарците-истакна епидемиологот Сашко Олумчев
Токму овие услови допринеле да се размножат комарците и преку птиците кои се преносители на вирусот да дојде и кај нас . Затоа посочуваат во иднина треба да се работи на овој фактор. Дополнително како фактор се и појавата на генетски модофицираните или хибридните комарци кои се создаваат да се намалат опасните инсекти.
-Во тој процес на таа природна селекција се ствараат таканаречени хибридни форми и токму тие хубридни форми од епидемиолошки аспект ни прават тука проблем. Тоа е третиот фактор. Што значи тоа природниот курекс го пренесува вирусот од птица на комарец и тука циклусот се врти цело време птица –комарец-птица–-истакна епидемиологот Сашко Олумчев
Олумчев додава дека токму овие комарци кои се појавиле последниве години а се хранат со цицање на крв од човекот го направиле овој проблем. Тие го префрлаат вирусот од птиците преку комарците на човекот. Но добро е што многу мал процент на заразените луѓе добиваат тешка форма на болеста и што болеста не се пренесува од човек на човек.
Тие два проценти на заразени кои добиват невроинвазивна форма се оние кои имаат слаб имунитет и други тешки хронични болести. И Светската здравствена организација предупреди дека токму потоплото време и долгите лета се причина за ширење на вирусот на Западен-нил. Здравствените власти пак за идна превенција најавија дека тендерот за прскање против комарци ќе се прави не за една туку за три години и поголем фокус ќе се стави и на застоените води за да се спречи епидемија на Западен-нил. Според податоците на Eвропскиот центар за превенција и контрола на болеста, најмногу случаи се регистрирани во Италија и Грција. Вкупно 99 европски региони се погодени, додека вирусот е регистриран за прв пат во 21 регион. Во истиот период минатата година, девет европски земји пријавиле инфекции, во вкупно 67 региони. Кај нас оваа година имаме шест починати од Западен -нил, додека во изминатите 14 години имало вкупно 5.
