Пожарот кој вчера попладне избувна во Струмичко, на потегот меѓу селата Водоча, Баница и Софилар, е ставен под контрола. На терен остануваат пожарникарски екипи кои вршат догасување и контрола на критичните точки. Состојбата се следи и со дронови.
„Моментално е под кокнтрола и имаме надлетуање со дрон. Ситуацијата е мирна, засега е стабилна. Пожарот може да кажеме дека целосно е ликвидиран синоќа, а денеска вршиме догасување на некои места каде што има дрвја„ изјави командирот на струмичката Противпожарна служба, Александар Гудев.
Поради опсноста огнот да ги проголта првите куќи, беше спроведена евакуација на неколку жители на Софилар. Во пожарот нема повредени. Едно лице вдишало чад ,но немало потреба од болничко лекување. На терен биле распоредени и две екипи на Брзата помош. Пожарникарите успеале да спречат огнот да зафати повеќе куќи .
„Спасивме доста куќи да кажеме на тоа место. Имаше запалено само една. Тоа не се водат куќи за домуваање, туку помошни простории. Тоа е матрејлната штета„ изјави командирот на струмичките пожарникаруи, Александар Гудев.
Со огнената стихија вчера се бореа околу стотина пожарникари и доброволци од Струмица и соседните општини. Голема помош, дале и жителите на месноста Софилар. Иако пожарот е ставен под контрола, екипи остануваат на терен поради опасност од повторно разгорување.
