Нема нови случаи на Западно-нилска треска во изминатото деноноќие. На инфективната клиника се лекуваат вупно 17 пациенти. Од нив 10 се потврдени позитивни на вирусот, а за останатите се чекаат резултати од дополнителните испитувања. Тројцата пациенти се се уште во критична состојба и се на механичка вентилација, а сите останати се со воспаление на мозочната обвивка и се лекуваат на одделот за невроинфекции. Др Цана вели дека многу е важно да се напомене дека тешките симптоми се јавуваат токму кај постарите пациенти кои се најранлива група на граѓани.
-Сите пациенти што се хоспитализирани кај нас се над 60 години возраст и сите се со придружни заболувања. И тоа треба да се напомене. Постарите лица, лицата со придружни заболувања, имунокомпромитирани лица со ослабен имунитет се подложни на овој вид на заболувања то ест на потешката форма. 80 посто од случаите поминуваат лесно или асимптоматски-истакна директорот на Клиниката за инфективни болести др. Фадил Цана.
Западно-нилската треска се пренесува само ако ве касне заразен комарец и не се пренесува од човек на човек. Лекарите алепираат до граѓаните ако почувствуваат висока температура, главоболка, треска, дезоринетираност веднаш да се јават на Инфективната клиника. Периодот на инкубација е од 3 до 14 дена. Надлежните посочуваат превентивно да се користат средства против комарци, да се носи облека со долги ракави и ногавици особено во вечерните часови , да се постават заштитни мрежи на прозорците и да се отстранува застоената вода во дворовите каде комарците се размножуваат.
