12 кандидати, тројца се Македонци, а останатите Албанци се пријавиле на огласот за избор на нов народен правобранител. Рокот заврши во сабота, но бидејќи станува збор за неработен ден, и денеска се примаат документи на конкурсот. Дополнително, ќе се почека и еден до два дена за да се види дали ќе пристигне и по пошта кандидатура испратена во рокот на огласот.
Народниот правобранител го предлага Комисијата за избори и именувања, чиј претседател е Ѓорѓија Сајкоски. Тој вели дека по пристигнувањето на сите кандидатури, тие ќе се разгледаат и во среда на комисија ќе биде утврден кандидат. До крајот на неделата се очекува да биде изгласан новиот народен правобранител.
Претходниот народен правобранител, Насер Зибери, на 12 јули отиде во старосна пензија. По четири и пол години ја напушти функцијата, инаку мандатот трае осум години.
