Искористувајќи што е европратеник Андреј Ковачев сакал во Македонија да внесе , негатори на македонскиот народ и нација на кои од преходно им е забранет влез во Македонија. Вака може да се протолкува одговорот на македонското минстерство за надворешни работи откако Ковачев гостувајќи на повеќе бугарски медиуми побара Македонија да му одогвори зошто му ја спуштија рампата на граничниот премин Ново Село. Ковачев бил со уште четворица другари добро познати за македонската јавност.
- „Би сакале да нагласиме дека во оваа група со која патувал и европратеникот Андреј Ковачев, имало лица за кои во Министерството за внатрешни работи има сознанија дека претставуваат ризик по јавниот мир и безбедност. Европратеникот Ковачев не е меѓу нив, но надлежните служби донеле таква одлука поради групата со која патувал“, стои во соопштението на македонското МНР.
Во автомобилот запрен на граница бил и Милен Врабевски, главниот финансиер на бугарските клубови во Македонија кој се закани дека во сите градови и поголеми села во Македонија ќе отовори бугарски здруженија. Ковачев гласот го крена дури до највисоките европски институции, па еврокомесарот Вархеј го осуди настанот.
- „Македонија ја прекорачи црвената линија со тоа што не дозволи член на Европскиот парламент да не може да влезе во земјата што е кандидат за влез во Унијата и член на НАТО. Тоа донесе бурни и сериозни реакции од Комисијата, од Парламентот, Комисијата за проширување, како и претседателот на ЕП.И се разбира од бугарското претседателство, политичките субјекти.. “ вели бугарскиот европратеник за првиот бугарски канал.
Бугарското МНР уште во саботата изрази разочараност од одлуката на македонските власти да го засенат според нив одбележувањето на Ѓурѓовден, кое се организирало традиционално со години во струмичко Ново Село.
Но, наспроти сега кога највисокиот врв на ЕУ, се вклучи во билатералните прашања, молк беше одговорот кога бугарски граѓани на чело на Џамбаски, но и пратеникот во бугарскиот парламент Костадинов, среде Скопје, Македонија ја прогласуваа за бугарска држава. Немаше реакции ниту кога се вееше знамето на Мара Бунева, а Македонија и Бугарија се прогласија за едно и се тврдеше дека нема македонски народ.
Викторија Миткова
