Претседателот Џо Бајден ја увери најновата членка на НАТО, Финска, за посветеноста на алијансата. Тој се обиде да ги смири европските стравови дека можната промена на администрацијата на САД може да значи несигурни трансатлантски врски.
„Апсолутно ви гарантирам. Нема сомнение. Има огромна поддршка од американскиот народ“, рече Бајден.
Претходникот на Бајден, Доналд Трамп го нарече НАТО застарен, создавајќи вознемиреност кај сојузниците.
Сега има уште две нови членки на алијансата, а Шведска наскоро ќе се приклучи.
Финскиот претседател рече дека земјата се чувствува посигурна.
„Имаме 80 отсто од населението кое го поддржува членството во НАТО и повеќе од 80 отсто кои велат дека ќе ги заштитиме и нашите сојузници“, рече финскиот претседател Саули Ниинисто.
Заштита се однесува на агресијата на рускиот претседател Владимир Путин, за кого Бајден рече дека веќе ја изгубил војната со Украина.
„Путин има вистински проблем. Како се движи одовде? Што прави тој?”, рече Бајден.
За разлика од Трамп, кој се сретна со Путин во Хелсинки пред пет години и рече дека верува оти Русија не се мешала во изборите во САД во 2016 година и покрај доказите на американските разузнавачки служби, во Хелсинки, Бајден се сретна со лидерите на Шведска, Норвешка, Данска и Исланд, кои сега се членки на НАТО.
Тој на некој начин ги увери европските лидери дека позицијата на САД, останува непроменета.
Јованчо Наумоски, Глас на Америка – Вашингтон
