Украинскиот претседател Зеленски предупреди дека ескалацијата на конфликтот на Блискиот Исток може сериозно да ја ослабне одбраната на Украина, особено кога станува збор за снабдувањето со ракети за воздушна одбрана. Според него, долготрајна криза меѓу САД, Израел и Иран директно му одговара на рускиот претседател Владимир Путин, бидејќи ги одвлекува вниманието и ресурсите од Украина.
Зеленски оцени дека ваквата состојба не само што ги крева цените на енергијата, туку може да предизвика и сериозен недостиг од системи и ракети што му се неопходни на Киев за одбрана од руските напади. Тој посебно предупреди на можен дефицит на ракети „Патриот“, наведувајќи дека американското производство е ограничено, додека побарувачката во повеќе кризни жаришта нагло расте.
Украинскиот лидер истакна дека одолговлекувањето на мировните разговори дополнително ја влошува ситуацијата.
