Украинскиот претседател Володимир Зеленски потврди дека по неколкудневните интензивни преговори во Мајами со тимот на американскиот претседател Доналд Трамп, веќе се подготвени клучните нацрт-документи кои треба да стават крај на војната со Русија.
И покрај оптимизмот за подготвената рамка од 20 точки, Зеленски призна дека некои одредби во документите остануваат неприфатливи за Киев, додека други веројатно нема да бидат прифатени од Москва. Од своја страна, Доналд Трамп изјави дека преговорите „одат добро“, но одби да наведе конкретни рокови за конечно примирје.
