По вчерашната средба во Белград со украинскиот претседател, српскиот, Александар Вучиќ денеска изјави дека ќе продолжи да ја води политиката на независна Србија и дека „Србија не изгубила ништо“ со доаѓањето на украинскиот претседател Володимир Зеленски. Во врска со коментарот дека има луѓе незадоволни од независната политика на Србија, Вучиќ рече дека таквата независна политика ќе продолжи.
„Никаде не ја преминав границата на нашата политика што ја воспоставивме за време на состанокот со Зеленски“, рече Вучиќ, додавајќи дека „нема да бидам ничија марионета“.
„Не сакам никому да му служам, ниту на Англија, ниту на Германија, ниту на Америка, ниту на Русија“, рече Вучиќ, додавајќи дека Украина никогаш не била непријател на Србија и дека е земја што го поддржува територијалниот интегритет на Србија.
На прашањето на новинар за критиките дека Србија седи на повеќе од едно столче, Вучиќ одговори: „Ние имаме само свое столче“.
