Реклама

Извештајот на ЕК е јасен: Македонија одлична во реформите, проблемот е „наследството“ од СДСМ и ДУИ преточено во Бугари во Устав

Меѓу лидерите во реформите, блокирани кон ЕУ поради уставните измени прифатени од СДСМ и ДУИ

Над 500 пензионери подигнале пари од Алта банка, денеска исплата на социјална помош

Двајца во притвор, еден во ќукен, еден во бегство по вчерашната полициска акција во Куманово

Владата бара купувач за Алта банка – Мицкоски тврди дека банката е во одлична финансиска кондиција

Историски најголема разлика помеѓу извозот и увозот, во државата влегуваат повеќе девизи

Мицкоски: Граѓаните да бидат спокојни, до денар ќе си ги добијат своите пари

Дождовите ја спасија есенската сеидба на житото, земјоделците чекаат да се засуши земјата за да влезат во нивите

Граѓаните кои немаат платежни картички, а имаат сметки во „Алта банка“, од денеска можат да си ги подигнуваат парите

Град Скопје ги ослободува младите брачни парови од плаќање комуналии за изградба на куќа

Полициски специјалци во акција во Куманово – Се разбива организирана криминално-лихварска група

Хаос на европското небо – лажни дојави за бомби го пореметија авиосообраќајот

Македонија

Водата во Дојранско Езеро одлична за капење според микробиолошките индикатори

Во одлична состојба е површинската вода за капење во Дојранското Езеро, согласно…

Сподели:
Фото: Алфа Вести

Во одлична состојба е површинската вода за капење во Дојранското Езеро, согласно микробиолошките индикатори, посочуваат најновите резултати од земени мостри од Езерото, кои Општина Дојран ги објави денеска.

Резултатите се од извршените анализи на три мерни места, соопштија од Општината, и тоа – “Градската плажа”, плажата “Гранико” и плажата “Полин”. Општинските власти велат дека анализите се спроведени согласно Националната годишна програма за јавно здравје за 2026 година, а ги извршил ЈЗУ “Центар за јавно здравје” од Велес.

– Врз основа на лабораториските наоди, согласно Правилникот за начинот и мерките  на управување со водите за капење и Уредбата за класификација на водите, како и за категоризација на водотеците, езерата, акумулациите и подземните води, анализираната мостра на вода по однос на микробиолошките индиктори е оценета за одлична, велат од Општината. 

Реклама


Според извештаите примероците се земени во втората половина на јули.

Во извештајот се напоменува дека водата на трите мерни места може да се користи за капење и рекреација.

– Од извршените испитувања и стручната анализа се заклучува дека водата од Дојранско Езеро на мерно место “Градска плажа”, и покрај отстапувањата од бараната втора класа на одредени физичко – хемиски параметри кои директно не се одразуваат штетно по здравјето на луѓето, соодвествува со микробиолошките стандарди за капење, стои во извештајот од “Центар за јавно здравје” од Велес, а истото е наведено и за останатите мерни места од каде се земени примероци на вода. 

Според “Центар за јавно здравје” од Велес, поради видлива пролиферација на алги, појава на пена на брегот, како и количина на биомаса со зеленкаста боја, во извештајот се наведува дека е потребно да се изврши анализа на фито и зоопланктон од страна на ЈНУ “Хидробиолошки завод” од Охрид, за комплетна проценка на безбедноста на водата и нејзината еколошка состојба.