Екс претседателката на Судски совет Весна Дамева, заспаниот државен обвинител Љупчо Коцевски, шефот на Организиран криминал Ислам Абази и многу други челници на судството и покрај сите критики, месеци наназад не ја вратија довербата на народот во системот.
Се бара решение, како граѓаните да почнат да му веруваат на судството.
Чистка на кадрите во судството, нови закони, ветинг на судиите и обвинителите или реформи што ќе ги спроведуваат сегашните функционери на третата власт.
Правната фела со различни толкувања за начинот како да се врати довербата на граѓаните во судството што власта на двоецот СДСМ и ДУИ успеа да ја доведе на ниво на статистичка грешка. Дел од правниците сметаа дека треба да се исече прво главата односно да се укине Судски совет или да се направи чистка во овој и во Обвинителскиот совет.
Според адвокатот Сашко Дуковски, никакви реформи нема да го закрепнат кревскиот судски систем , ако функционерите си ги задржат фотелјите.
Хартијата трпи се, тешко ќе оди имплементацијата. Ваква оценка дава адвокатот Јанаки Митровски кој прашањето како да се врати доевербата на нардот го оценува како прашање од милион долари. Изминативе години сме виделе челници на судскиот систем, кои се истурени партиски играчи, а ако тоа не го решиме никогаш нема да одиме напред, појаснува адвокат.
Власта месеци наназад бара начини и решенија за трулото судство кое Европската комисија го критикува во сите извештаи. Претставниците на меѓународната заедница побараа реформи според извештајот на Оценската мисија којашто влезе во Судскиот совет откако членовите на Советот со месеци носеа скандалозни одлуки. Засега јавноста се уште не ги виде препораките на со кои треба да се стави ред.
По ова Министерството за правда организираше дебати на кои професионалци треба да ги скројат идните реформи и новиот Закон за судски совет.
И покрај заложбите на Владата, неизвесно е како граѓаните повторно ќе почнат да му веруваат на Судот и на Обвинителството, ако истите луѓе си ги задржат фотелјите.
