Прекинот на глобалните испораки на нафта поради војната во Иран ги зголеми цените на керозинот, што директно влијае врз цената на авионските билети.
Според анализа на светски медиуми, трошокот за гориво по патник се зголемил за околу 88 евра на долги летови и за 29 евра на летови во Европа.
На пример, лет од Барселона до Берлин поскапел за околу 26 евра по патник, додека лет од Париз до Њујорк има зголемување од околу 129 евра само за гориво.
Анализата се базира на споредба на цените пред и по почетокот на конфликтот. Авиокомпаниите најавуваат дека, доколку кризата продолжи, повисоките трошоци ќе ги префрлат на патниците. Во меѓувреме, Европската Унија подготвува насоки за справување со ограниченото снабдување со гориво.
