Се потврди фактот дека СДСМ и Филипче немаат кандидат за Скопје, откако претходно Ралев и уште еден познат скопски адвокат ги одбија, соопшти ВМРО-ДПМНЕ во реакцијата на прес-конференција на Венко Филиче.
„СДСМ тонат се подлабоко во својот бунар без дно, сите кандидати или им се претседатели на општински организации кои мораат да излезат и да изгубат во своите општини или пак поранешни кадри на Заев.
Со ова дефинитивно се потврдува дека СДСМ немаат кадри, ниту пак некој сака да им се нафати да изгуби. Во Скопје ќе одат со кадар на Заев, поранешната министерка за животна средина Каја Шукова.
Истата Каја Шукова ќе им ветува на Скопјани чист воздух и чиста околина, а додека беше министерка за животна средина со прст не мрдна за подобрување на аерозагадувањето.
Шукова и останатите кандидати на СДСМ се прочитана приказна“, потенцираат во соопштението.
