Станува очигледно дека Венко Филипче нема капацитет да ја обедини сопствената партија, да ја реформира а уште помалку да понуди визија за државата. Со освоени само 120 илјади гласа и 6 општини партијата е во длабока политичка и организациска криза. Дека во СДСM под водство на Филипче постојат длабоки поделби и несогласувања меѓу највисоките структури во раководството говори и фактот на одлив на кадри каде искусни партиски членови и поранешни функционери се дистанцираат и заминуваат од СДСM, се вели во соопштението од ВМРО-ДПМНЕ.
Дали се точни информациите кои од Бихачка стигнаа до нас каде се тврди дека познат доктор и поранешен градоначалник, одбил функција во раководството на СДСM, поради сомнеж во лидерскиот капацитет на Филипче?
Филипче ја турка СДСM во лидерска криза. Филипче не ужива доверба и не е перципиран како лидер кој обединува а симпатизери и членови на СДСM не сакаат да бидат дел од раководните структури и се дистанцираат од партијата.
Филипче нема авторитет и не успева да ја мобилизира базата и да наметне јасно лидерство. Партиското раководство е поделено без јасна стратегија и без кохезија. Дел од високите функционери го доведуваат во прашање капацитетот на Филипче. Со Филипче на чело СДСM станува се помалку релевантен фактор на политичката сцена.
Доколку нема сериозни реформи и одговорно раководство СДСM ризикува целосно да ја изгуби политичката тежина. На Македонија и неопходна силна и конструктивна опозиција која ќе биде коректор на власта.
