Полициски службеници од мобилниот тим„Task Force“ пронајдоа дрога во Гостивар и лишија од слобода едно лице, соопштија денеска од Министерството за внатрешни работи.
– Денеска во 1:55 часот на улицата „Браќа Ѓиноски“ во градот, полициски службеници од мобилниот тим „Task Force“ при ОВР – Гостивар го лишиле од слобода М.Д., на возраст од 27 години од овој град. При преглед извршен кај него, полицискисте службеници пронашле две пакувања со кокаин – информираа од МВР.
Лицето било задржано во полициска станица и по целосно документирање на случајот, како што се додава во соопштението, против него ќе биде поднесена пријава.
