По срамната одлука за докторката од Онкологија треба да се стави крај на судството кое функционира во полза на дружината предводена од Филипче, а не се грижи за основните човекови права, се вели во соопштението од ВМРО-ДПМНЕ.
Судството секојдневно само вади докази во јавноста дека работи исклучиво по насока на Зоран Заев и неговата дружина, во која е Венко Филипче и дел од раководството на СДСМ.
Последен во низата докази е нивната одлука за условна казна две години за докторка од Клиниката за онкологија и радиотерапија, како што велат, поради фактот што признала вина.
Судот со оваа пресуда јасно укажува дека човечкиот живот не вреди. Судот јасно покажува дека нема интерес за човечкиот живот. И конечно, судството, покажува дека, единствено, постапува ако добие насока од „центарот“. А „центарот“ за судиите е лоциран кај поединци од Бихаќка.
Дека центарот е на Бихаќка говорат многу пресуди, меѓу кои и онаа за модуларната болница во Тетово во која изгореа 16 лица, а многу беше јасно дека за поставување на истата одговорен во процесот бил Филипче. Но, наместо лоцирање на одговорност и тогаш судството прибегна кон одлука само за двајцата директори на Болницата во Тетово и за Болницата како правно лице.
Според онаа народната, врти сучи, судството ги „оправдува“ оние околу два проценти доверба кои, пак, реално се на ниво на статистичка грешка. А, ова правосудство Филипче, пак, не сака да се смени затоа што, очигледно, му служи.
Крај на овој правосуден систем, кој работи под диригентска палка на Заев и компанија, мора да се стави.
