Снимка од мечка со две мали мечиња, кои се движат покрај патот Маврово-Дебар, објавена вечерва, наиде на симпатии кај граѓаните на социјалните мрежи.
На видеото се гледа како мајката и мечињата се движат по крајот од патот, пред мајката да исчезнат во шумата. Во рано лето, мечките често се доближуваат до луѓето во потрага по храна, а еден од факторите за ваквото однесување е и привлечноста на лесно достапниот човечки отпад, велат експертите. И покрај природното воодушевување од дивите животни, тие апелираат во вакви ситуации да не се запира за да се снимаат и да се држи безбедно растојание бидејќи мајките-мечки можат да бидат исклучително агресивни.
Неделава, Националниот парк „Шар Планина“ повика на донации во јаболка и пченка за прихрана на мечките, за да се спречи тие да доаѓаат во близок контакт со луѓето од селата.
Видеото погледнете го на следниот линк:
