Со претставата „Црнила“ од Коле Чашулем во режија на Дејан Пројковски, а во изведба на Народниот театар од Прилеп, вечер во Струмица ќе биде спуштена завесата на 34. издание на Меѓународниот фестивал на камерен театар „Ристо Шишков“, кој традиционална почнува на Денот на независноста, 8 Септември. За единствената награда за високо актерско остварување, која се состои од златен меделјон со ликот на Шишков, парична награда во износ од 1.500 евра и плакета, конкурираат актери од десет претстави од Македонија, Србија и Бугарија.
Фестивалското жири кое ја оценува актерската игра е во состав: Билјана Драгичевиќ Пројковска, ланска добитичка на наградата „Ристо Шишков“, Билјана Ѓуровиќ и Иван Додовски и тие вечер треба да го соопштат името на годинашниот лауерат.
Фестивалот е финансиски помогнат од Министерството за култура и туризам и Општина Струмица.
