Три лица загинаа, а околу 50 се повредени во железничка несреќа што вчера вечер се случи во близина на градот Ридлиген, 158 километри западно од Минхен. Причината за несреќата сè уште не е позната, а федералната и локалната полиција се на терен.
Меѓу загинатите е еден вработен во германските железници, а околу 25 луѓе од спасените се со сериозни повреди. Несреќата се случила околу 18:10 часот во шумска област. Фотографиите од местото на несреќата покажуваат дека вагоните се превртени, а спасувачите им помагале на патниците. За време на несреќата, во возот имало околу 100 патници.
